EDPIbilgailu elektrikoa birkargatzeko sistemak

Gailu horrek ibilgailu elektrikoak etxebizitzetan birkargatzeko balio du, erabiltzailearentzako eta instalazioarentzako segurtasun-baldintzak errespetatuz.

Ekipoak hainbat egoera ditu:

• Led itzalia: zerbitzugunea erabilgarri dago.
• Led berdea: kargagailua ibilgailuarekin konektatu da.
• Led urdin argia:
  • Kargagailua eta ibilgailua elkarrekin komunikatzen ari dira.
  • Ibilgailuaren bateriak birkargatzeko zerbitzuguneak ematen diona baino potentzia gehiago eskatzen du.
• Led urdin iluna: ibilgailua kargatzen ari da.
• Led urdin keinukaria: karga gelditu egin da ibilgailuak birkargatzeko zerbitzuguneak uzten duena baino potentzia gehiago eskatzen duelako.
• Led gorria: errorea birkargatzean/arazoa kargagailuarekin.
• Bioleta keinukaria: kargagailua auto-test bat egiten ari da korrontera konektatzean.

Kargagailu bakoitzak beharrezko mekanismo elektrikoak eta elektronikoak ditu instalazioak hargune elektrikoan, ibilgailua kargatzean eta erabiltzailea babesteko.

Kargagailua altzairu herdoilgaitzeko gorputz antibandalikoan fabrikatuta dago. Etengailu magnetotermiko bat du (zirkuitulaburren aurka babesteko), etengailu diferentzial bat (pertsonak isolamendu-faltek sortutako desbideratzeengandik babesteko) eta kontrol-sistema bat sarearen perturbazio guztiak iragazten dituena (harmonikoak eta uhin-kalitatea).

Oinarrizko instalazio baterako (monofasikoa, 3,7 kW-era artekoaren) hasierako kostua 995 €koa da (BEZ kanpo). Oinarrizko instalazioa erabiltzen da babesteko koadro orokorraren eta birkargatze-puntuaren artean 20 metro baino gehiagoko distantziarik ez dagoen kasuetan. 20 metro baino gehiagoko instalazioetan aurrekontu pertsonalizatua egingo da. Instalazioa EDPk egiaztatutako langile teknikoek egiten dute.

Instalatzeko, garajeko horma batean ainguratzen da, eta egun bat behar izaten da (re:dy zerbitzua barne).

Ibilgailu elektriko baten elementurik garestiena eta premiarik gehien duena bateria da. Bateria birkargatzeko oinarria erreakzio elektrokimiko bat da, kontrolatuta izan behar duena, bestela, kalteak izan ditzake eta horren bizitza baliagarria murriztu daiteke; ondorioz, baldintza bereziak betetzen dituen kargagailu bat izan behar da, eta ez entxufe normal bat.

Kargagailuak etengailu magnetotermiko bat du (zirkuitulaburren –gainintentsitateen–, korronte altuen aurka babesteko), etengailu diferentzial bat (pertsonak isolamendu-faltek sortutako desbideratzeengandik babesteko –gaintentsioak–) eta kontrol-sistema bat sarearen perturbazio guztiak iragazten dituena (harmonikoak eta uhin-kalitatea).