Jauzi nabigazioa. Joan zuzenean eduki nagusira. (S laster-tekla)

  1. Hemen zaude::
  2. Hasiera
  3. Etxebizitzak
  4. Etxe efizientea
  5. Zerbitzu orokorrak
  6. Ur-berogailua eta galdara

EDPUr-berogailua eta galdara

Eduki nagusiaren hasiera

Galdara

Berokuntza-zirkuitura bidaliko duen ura berotzeko, gasa erretzen duen aparatu bero-produzitzailea da galdara.

Normalean komertzializatzen diren galdarak Galdara Mistoak izaten dira, etxeko ur beroa eta berokuntza aldi berean produzitzen dutenak, baina Berokuntzarako bakarrik diren galdarak ere badaude, etxeko ur beroa beste sistema baten bidez lortzen den kasuetarako.

    Ur-berogailua

Ur-berogailuak gasa erretzen du etxeko edozein txorrotatatik eskatzen dugun ura berotzeko. Ur beroa eskatzen zaiola detektatzen duenean, martxan jartzen da une horretan bertan ur beroa produzitzeko, istanteko ur beroa lortzeko. Etxean zenbat bainugela eta zenbat erabiltzaile dauden kontuan izanda, ur beroa istantean produzitzeko kapazitate egokiko ur-berogailua aukeratu beharko da (5 litrotik hasi eta 20 edo 30 litro artekoak daude).

Ur bero asko behar baldin bada, ur-berogailuaren lagungarri gisa metagailu bat jartzea gomendatzen da. Batzuetan, ur-berogailuaren ordez Galdara Mistoa jartzen da, ur beroa eta berokuntza aldi berean produzitzen dituena.

Galdarekin gertatzen den bezala, hiru motatako galdarak eta/edo berogailuak daude, ke-husteko sistemaren arabera:

  • Atmosferikoak edo tiro naturalekoak: Errekuntza-hondakinak gorantz joaten dira tenperatura-diferentziagatik eta zuzenean kanpora ateratzeko bidetik (tximiniatik) irteten dira. Tximinia indibiduala izan daiteke edo eraikin guztirako kolektiboa (shunt).
  • Tiro behartukoak: Aparatu barruan instalatutako haizagailu batek kanpora botatzen ditu errekuntza-hondakinak, eta horrela husten dira. Etxebizitzaren ke-husteko bide edo tximiniaren efikaziari buruzko zalantza dagoenean jartzea gomendatzen da. Araudiak ez du uzten era honetako galdarak eraikineko tximinia kolektiboetara (shunt) konektatzen.
  • Estankoak: Aparatu barruan instalatutako haizagailu batek kanpora botatzen ditu errekuntza-hondakinak, eta horrela husten dira. Gainera, airea hartzeko beste bide bat ere izaten dute, errekuntzarako behar den airea kanpotik hartzeko. Horregatik, errekuntzari dagokionez, aparatua etxebizitzatik edo lokaletik kanpora instalatuta egongo balitz bezala da. Errekuntza eta ke-huste egokia gehien garantizatzen duen aparatua da, eta gainera bainugeletan, komunetan, logeletan… instala daitekeen bakarra...
Gehiago jakin nahi duzu zerbitzu orokorrei buruz?

Eduki nagusiaren bukaera